Gənc yazar Habil Yaşarın "Yeddinci ayın yeddisi" romanı daha çox

Gənc yazar Habil Yaşarın "Yeddinci ayın yeddisi" romanı daha çox gənclərə ünvanlanmış bir romandır.
“yeddi̇nci̇ ayin yeddi̇si̇”
oxuduqca intizarda qalacağınız bu kitabda gerçək sevgini də yaşayacaq, mübarizliyə də şahid olacaq, eyni zamanda müxtəlif mövzularda dəyərli düşüncələrlə də tanış olacaqsınız. əsərdə aytəkin başda olmaqla, nihat, fərid, aysel və s kimi xarakterlər də yer almaqdadır. “yeddi̇nci̇ ayin yeddi̇si̇” müəllifin ilk romanıdır...
192 səhifə/Azərkitab
Nifrət etdiyin hər zaman biri olacaq, amma birinə görə hər kəsə nifrət edə bilməzsən
Bütün insanlar yalançı olmasa da, bütün yalanlar insana məxsusdur
Şahidi Tanrı olanın, tanrısı Sevgi olsa gərək
Sevirəm! Görəsən gunahmı edirəm? Ya günah etdiyimi bilə-bilə görəsən niyə sevirəm?
Sevgi zamana bənzəyir: Gəldisə saxlaya, getdisə qaytara bilməzsən

Önsöz

Lap gənclik çağlarından tanıdığım, vaxtı ilə şeirlər kitabına önsöz yazdığım
Habil Yaşarın uzun fasilədən sonra yeni kitabla - bu dəfə romanla oxucu görüşünə gəlməsi mənə xoş təsir bağışladı.
Onu tanıyan, əhdə vəfasını, çəkdiyi cəfaları muəyyən qədər bilən bir dostu kimi, xarakterinin yazdıqlarına da hopmasını görməkdən şad olduğumu deməliyəm. Deməliyəm, onun yazılarını - şeirlərini, esselərini, hekayələrini oxuduqca, intellektual düşüncələrinin təzahürləri görünür. Bəlkə bu, onun pedaqoji fəaliyyəti, fərqli kollektivlərdə çalışması, qaynar paytaxt mühitində böyüsə də, ata-anasının kökəncə bağlı olduğu el-obalarımızın şəhdi-şəkərini də unutmaması ilə də sıx bağlıdır. Başqa bir amil, Azərbaycandan Türk dünyasına yaradıcı boylanışından da uzaq deyil. Habil güclü mütaliəsi olanoxuduqlarında qalmayan, imzası kimi yazdıqları ilə Yaşardır...
Bu fikirlərin onun
“YEDDİNCİ AYIN YEDDİSİ” romanını da şamil edildiyini vurğulamalıyam. Ümidvaram, siz də bu fikrə ortaq olacaqsız ki, təsirlənməmək, xarakterlərə, hadisələrə biganə yanaşmaq mümkün deyil. Obrazlar sanki canlı olaraq ətrafımızdadır... Gözəl süjet xəttinə sahib olan romanın oxucular tərəfindən seviləcəyinə inanıram.
Habil Yaşara bu ilk romanında, bütün yaradığıcığında uğurlar diləyirəm!
Sayğılarımla,
Əkbər QOŞALI


"Yeddinci ayın yeddisi" kitabımın ilk tirajı bitmək üzrədir... (Qismət olsa ikinci tirajı da nəşr olunacaqdır)
Hörmətlə Habil Yaşar